هه‌ندێک بابه‌تی تری په‌یوه‌ندی ده‌سه‌ڵاتدارێتی و په‌یوه‌ندی ئازادی به‌شی دووه‌م و کۆتایی

4

"کە وەهم دەکرێت بە حەقیقەت، واتە حەقیقەت کراوە بە وەهم و شاردراوەته‌وه‌".

ئەوەی لە واقیعدا ڕودەدات، لە ڕاستیدا چەسپاندنی/ سەلماندنی وەهمە، یاخود واقیع دروستکردنە کە حەقیقەت نیە. ئەگەر سەیری جەنگی جیهانی یەکەم و دووەم بکەین، یاخود هەر ڕوداوێکی تری مێژوویی، بە کردەوە دەبینین کە جەنگە و خەڵک یەکتری دەکوژێت، وڵاتە و داگیردەکرێت، شارە کاولدەکرێت. ئەوە ئەوەیە کە لە واقیعدا ڕودەدات، ئەو ڕوداوەیە کە ناسڕدرێتەوە چونکە بە فعلی ڕودەدات و جێپەنجەی خۆی لەو زەمان و جێگەیەدا بەسەر مرۆڤەکانه‌وە بەجێدێڵێت.

هه‌ندێک بابه‌تی تری په‌یوه‌ندی ده‌سه‌ڵاتدارێتی و په‌یوه‌ندی ئازادی به‌شی یه‌که‌م

هه‌ندێک بابه‌تی تری په‌یوه‌ندی ده‌سه‌ڵاتدارێتی و په‌یوه‌ندی ئازادی 
به‌شی یه‌که‌م 

1

تاک/ تاکایەتی

تاکایەتی ڕۆژئاوایی (هەر ئەوەشمان لەبەر دەستدایە) گەشتۆتە ئەو خاڵەی کە تەنها خودی خۆی ببینێت و لە دوای ئەوەوە هیچ گەشەیەکی ئەوتۆی نەکردووە. یاخود زیاتر نەچوە بەودیودا کە بتوانێت بونی خۆی (وجودی) لەوانی تردا ببینێتەوە/ بدۆزیتەوە، یاخود بناسێتەوە. هەتا ئەو خاڵە ڕۆشتووە کە هەرچیەک بکات، هەر بۆ خۆی بکات و تەنها توانای وەرگرتنی هەبێت و هەموو ئەوانی تر تەنها ئامڕازی پڕکردنەوەی ئارەزووەکانی ئەو بن، یاخود بەهەرحاڵ بەو چاوەوه‌ سەیربکرێن، کە هەموو ئەوانی تر، لە بەرژەوەندی ئەو تاکەدا، بواری بەکارهێنانی تێدایە.

ده‌سه‌ڵاتدارێتی و ئه‌قڵانیه‌ت

ده‌سه‌ڵاتدارێتی و ئه‌قڵانیه‌ت

26.06.2011

ده‌سه‌ڵات به‌ دیوه‌ ناشیرینه‌که‌یدا.

ده‌سه‌ڵات وه‌ک زاڵبوون، زاڵبوون به‌سه‌ر ئیراده‌یه‌کی ئازادی به‌رامبه‌ردا، سڕینه‌وه‌ی بیروبۆچونه‌ جیاوازه‌که‌ی، یاخود ڕاستکردنه‌وه‌ی له‌سه‌ر ئیراده‌ و بۆچونی خۆی، بۆ به‌کارهێنانی وه‌ک ئامڕازێک، دارده‌ستێکی ده‌ستی بۆ جێبه‌جێکردنی ئیشوکاره‌کانی، ئه‌و ئیشوکارانه‌ی که‌ خۆی پیاڕاناگات، واته‌ مرۆڤه‌ ئیراده‌ سڕاوه‌که‌ ده‌بێت به‌ درێژکراوه‌ی مرۆڤه‌ زاڵه‌که‌.

ده‌نگی ویژدان

ده‌نگی ویژدان

23.06.2011

ئایا ده‌کرێت له‌ کۆمه‌ڵگایه‌کدا بژین که‌ مرۆڤ ئه‌وه‌نده‌ دڵنابێت له‌ ژیانی ده‌رگای ماڵی دانه‌خات و ترسی له‌ هیچ که‌سێک نه‌بێت هه‌ڕه‌شه‌ له‌ ژیانی بکات، ئازاری بدات، خراپبه‌کاریبێنێت، فریویبدات؟ ئایا ده‌کرێت له‌ هه‌رکوێ پێویستی به‌ یارمه‌تی بێت، ئه‌و که‌سه‌ی لێوه‌ی نزیکه‌ له‌و کاته‌دا ده‌ستی بگرێت و یارمه‌تی بدات؟ ئایا ده‌شێت ئه‌و کۆمه‌ڵگایه‌ دامه‌زرێت که‌ گه‌وره‌ و بچوک به‌ هاوسۆزی و هاوئاهه‌نگیی پێکه‌وه‌ بژین وه‌ک ئه‌وه‌ی هه‌موو که‌سی یه‌کتری بن و خه‌می یه‌کتری بخۆن؟

ئه‌گه‌ر ئه‌مجاره‌ش

   ‌ئه‌گه‌ر ئه‌مجاره‌ش

22.06.2011

ئه‌گه‌ر ئه‌مجاره شۆڕشی کۆمه‌ڵایه‌تی سه‌رنه‌که‌وێت، ده‌بێت هه‌ریه‌ک له‌ ئێمه‌ په‌یکه‌رێکی بچوکی سه‌رکرده‌کانمان له‌ ماڵه‌کانماندا هه‌بێت و به‌یانیان له‌گه‌ڵ له‌خه‌وهه‌ڵسان سوژده‌یان بۆ به‌رین و ماچیان بکه‌ین و ستایشیان بکه‌ین و سوپاسیان بکه‌ین که‌ ئه‌مڕۆش له‌ سایه‌ی سه‌ری ئه‌وانه‌وه‌ له‌ ژیانداین.

هه‌ندێک بابه‌تی په‌یوه‌ندیدار به‌ په‌یوەندیى دەسەڵاتدارێتیه‌وه به‌شی پێنجه‌م و کۆتایی

هه‌ندێک بابه‌تی په‌یوه‌ندیدار به‌ په‌یوەندیى ده‌سه‌ڵاتدارێته‌وه‌

به‌شی پێنجه‌م و کۆتایی 

14

مفهومى دڕندایەتى دەرئەنجامێکە لە پیادەنەکردنى ژیرێتی بوونى مرۆڤەوە سەرچاوەى وەرگرتووە و دەبێتە هۆی ڕودانى تاوان/ هەقخوران. هەموو ئازارێکیش لەسەر ئەو دەرئەنجامەوە پێکدێت (کە هۆکارى جۆرەها ناڕەواییه‌) ئەمڕۆ بۆتە داکەوتەیەکى ڕۆژانە و وا دەردەکەوێت کە تاوانکردن کردارێکى داسەپێنراوە و هەردەبێت ڕوبدات. لە ئەنجامى ئەو کردار و پەرچەکردارەى لەسەر ئەو دەرئەنجامەوە دروست دەبێت کە هۆکارەکەى بەرجەستەنەکردنى (نەسەلماندنى) مفهومى مرۆڤایەتى مرۆڤە، وەک مرۆڤ و ژیرێتی و لە چوارچێوەى پەیوەندى مرۆڤایەتیدا وەک بەکردەوەکردنى دڕندایەتى مرۆڤ ده‌رده‌که‌وێت.

هه‌ندێک بابه‌تی په‌یوه‌ندیدار به‌ په‌یوەندیى دەسەڵاتدارێتیه‌وه به‌شی چواره‌م

هه‌ندێک بابه‌تی په‌یوه‌ندیدار به‌ په‌یوەندیى دەسەڵاتدارێتیه‌وه

به‌شی چواره‌م

 

10

خێر/شەڕ

جیهانى خێر بەرامبەر جیهانى شەڕ ناوەستێتەوە، بەڵکو جیهانى شەڕ دیاردەیەکە لە جیهانى خێر جیابۆتەوە و بە حوکمى دەگمەنیى، دوابەدواش گەشەی سەندووە و تا ئەمڕۆ هەموو جیهانى خێرى لوشداوە (گرتۆتەخۆ) بە شێوەیەک کە ئەمڕۆ به‌ فیعلی وایلێهاتووە کە جیهانى خێر لە بەرامبەر و ڕوبەڕوى جیهانى شەڕدا وه‌ستاوه‌تەوە، بەبێ ئەوەى جوڵەى بۆبکات، چونکە ئەسڵەکە "بنەوان/ بنەرەته‌که‌" خۆیەتى کە جێگیره‌ و چه‌سیاوه‌ و لێیخوراوە و لێیداشکێنراوە، نەک دروستبووبێت و بەرامبەر شەڕ وەستابێتەوە.

هه‌ندێک بابه‌تی په‌یوه‌ندیدار به‌ په‌یوەندیى دەسەڵاتدارێتیه‌وه به‌شی سێیه‌م

هه‌ندێک بابه‌تی په‌یوه‌ندیدار به‌ په‌یوەندیى دەسەڵاتدارێتیه‌وه

به‌شی سێیه‌م

 

8

منى ناوەوە/دەرەوە

ئەگەر بڕوا بەوە بێنین کە نەفیکردنى تاک/ تاکایەتى "منى ناوەوە" و پێکهێنانى خود/ خودێتى "منى دەرەوە" و گەشتن بە بوونى پوخت، یاخود نزیک بوونەوە لێى، لە ڕێگەى دۆزینەوەى پێگه‌ى شیاودا، ئەوا ماناى وایە کە ئەو مرۆڤە لە کات و جێگەى خۆیدا دەژى و لە حەقیقەت نزیک بۆته‌وه‌. بەو پێیە دەتوانین بڵێین ئەوسایە کە بەرامبەر یەکترى دەموچاوى دەستکردمان هەڵنەگرتووە و واقیعمان نەشێواندووە و بوارى مافخواردن و بەکارهێنانمان نەهێشتووە.

هه‌ندێک بابه‌تی په‌یوه‌ندیدار به‌ په‌یوەندیى‮ ‬دەسەڵاتدارێتیه‌وه به‌شی دووه‌م‌‬

هه‌ندێک بابه‌تی په‌یوه‌ندیدار به‌ په‌یوەندیى دەسەڵاتدارێتیه‌وه

به‌شی دووه‌م‌ 

4

ئەگەر مرۆڤ بیەوێت لەمردن ڕزگارى بێت، دەبێت ڕوبەڕوى خودى مردن بێتەوە. واتە خۆڕزگارکردن لە ترسى مردن و کرانەوە بەڕویدا بەو شێوەیەى کە دەوترێت "هەموو منێک دەبێت بمرێت" و پێویست ناکات هەوڵى خۆلادان بدرێت. هەروەک چۆن ژیان لەم ساتەى ئیستادا بوونى هەیە و "من" هەم، بەو شێوەیه‌ش ئەگەر مەرگ هات، ئەوا لە ساتى دووەمدا بوونى هەیە. مەبەست لە کرانەوەى ژیان بەڕوى مردندا، ئەوەیە کە ئەو دیاردەیە دانەخرێت واتە ژیان لەسەر ژیان دانەخرێت بەوەى کە تەنها پاریزگاریکردنى ژیان ببێتە ئامانج کە تەنها ژیان هەیە و پێویستە لە بازنەیەکى داخراودا، لە شوشەدا هەڵبگیردرێت. چونکە ناکرێت و ناشێت. ئەو کردنەوەیەى کە سەرى بەتاڵە، ئازادى دەبەخشێت و سنورەکان ڕادەپێچێت. لە پێش هەموو شتێکەوە ئەو ترسى مردنە.

هه‌ندێک بابه‌تی په‌یوه‌ندیدار به‌ په‌یوەندیى دەسەڵاتدارێتیه‌وه به‌شی یه‌که‌م

 

 

هه‌ندێک بابه‌تی په‌یوه‌ندیدار به‌ په‌یوەندیى ده‌سه‌ڵاتدارێتیه‌وه‌

به‌شی یه‌که‌م

1

ئیمە هەر هەموومان دەمانەوێت دیاربین، ببینرێین، هەبین... لە بەرامبەر یەکتریدا. پەیوەندى و لێپرسینەوە و بەردەوامبوونى ئەو پرۆسانە، هەستى دڵنیابوونى دەرکەوتن و جێگیربوون دەبەخشێت کە ئیمە هەموومان لە ژیاندا بەشدارین و بەکەڵکین. ئەم بۆچوونە لەگەڵ بەربەرەکانێى مرۆڤدا دژدەوەستێتەوە، چونکە لە ئەنجامى بەربەرەکانێ و ململانێوە دەمانەوێت بوونى یەکترى بسڕینەوە و جێگەى یه‌کتری بگرینەوە. واتە فەوتاندنى بەرامبەر و بوونى خۆم، یاخود بوونى من لە ئەنجامى فه‌وتاندنى بەرامبەردا.

ده‌سه‌ڵات و به‌رپرسیارێتی

ده‌سه‌ڵات و به‌رپرسیارێتی

16.06.2011

هه‌موو ئه‌و کێشه‌ و گرفتانه‌ی سه‌ده‌های ساڵه‌ کۆمه‌ڵگای کوردی به‌ده‌ستیه‌وه‌ ده‌ناڵێنێت، ئه‌م ده‌سه‌ڵاتبه‌ده‌ستانه‌ی ئه‌مڕۆ لێیبه‌رپرسیارن. ماوه‌ی بیست ساڵه‌ جڵه‌وی فه‌رمانڕه‌وایه‌تیان به‌ده‌سته‌وه‌یه‌ و یه‌ک بست کۆمه‌ڵگای کوردیان نه‌بردۆته‌ پێشه‌وه‌. به‌ پێچه‌وانه‌وه‌، بونه‌ته‌ هۆکاری پاشه‌کشه‌ و داڕزانی ئاکاری کۆمه‌ڵایه‌تی و دابه‌زینی ئاستی به‌کارهێنانی ئه‌قڵ و بۆگه‌ن بوون له‌ زیاده‌ڕۆیی به‌کارهێنانی غه‌ریزه‌دا.

زه‌مه‌نی دزراوی ئێمه‌

زه‌مه‌نی دزراوی ئێمه

15.06.2011‌

نیشتیمان هه‌ر ئه‌و پارچه‌ زه‌ویه‌ نیه‌ مرۆڤی تیا له‌دایک ده‌بێت. منداڵیی چاوی تیاده‌کاته‌وه‌ و کۆڵان، ده‌رگا به‌سه‌ر "شوێن"دا ده‌کاته‌وه. ئێمه‌ له‌دایکبووی نیشتیمانین و هه‌تا مردن پێویستمان پێیه‌تی. مرۆڤ به‌مانای وشه‌ ڕه‌گوڕیشه‌ی نه‌بینراوی هه‌یه‌ له‌و جێگایه‌ی تیایدا له‌دایک ده‌بێت، هه‌روه‌ک هه‌موو ڕوه‌کێک که‌ ڕه‌گوڕیشه‌ی هه‌یه‌ له‌ خاکدا. دلخۆشبوون به‌ که‌لاوه‌ی نیشتیمان، ته‌نها دڵخۆش بوون نیه‌ به‌وه‌ی مرۆڤ منداڵیی تیا به‌سه‌ربردووه‌، به‌ڵكو ئه‌و دڵخۆشبوونه‌ ئه‌و په‌یوه‌ستبوونه‌وه‌یه‌یه‌ به‌ هه‌موو ئه‌و تاڵه‌ نه‌بینراوانه‌وه‌، به‌ زادگه‌که‌یه‌وه‌.

به‌مه‌یمونکردنی مرۆڤ

 ‌‌

به‌مه‌یمونکردنی مرۆڤ

13.06.2011

چه‌رخی کۆمه‌ڵگای کوردی به‌ده‌ست دێوێکی شاخداره‌وه‌، به‌پێچه‌وانه‌وه‌ ده‌چه‌رخێ و له‌و وه‌رچه‌رخانه‌دا مرۆڤه‌کان به‌مه‌یمون ده‌کرێنه‌وه‌.

هه‌موو منداڵێک که‌ له‌دایک ده‌بێت، فریشته‌یه‌ک له‌ سه‌ر زه‌وی ده‌که‌وێته‌وه‌. ئه‌وه‌ی ناهێڵێت ئه‌و فریشته‌یه‌ ببێت به‌ مرۆڤ، ئه‌و کارگه‌یه‌یه‌ که‌ کۆمه‌ڵگای تێخزێنراوه‌ و به‌ده‌ست ده‌سته‌یه‌که‌وه‌ هه‌ڵده‌سوڕێت و له‌وسه‌ره‌وه‌ به‌مه‌یمونی به‌رهه‌مده‌هێنرێته‌وه‌. به‌مه‌یمونکردنی مرۆڤ ئاسانتره‌ له‌وه‌ی که‌ ڕێگه‌ی پێبدرێت وه‌ک مرۆڤ بژی. هه‌موو هه‌لومه‌رجه‌کان ئاماده‌ن بۆ داماڵینی ڕوی مرۆڤایه‌تی له‌ مرۆڤ و کردنه‌وه‌ی به‌ مه‌یمون.

خودی ده‌سه‌ڵات چیه‌؟

خودی ده‌سه‌ڵات چیه‌؟

09.06.2011

ڕه‌نگه‌ پێناسه‌ی ده‌سه‌ڵات زۆر و فره‌ڕه‌نگ بێت، له‌گه‌ڵ ئه‌وه‌شدا هه‌میشه‌ چه‌ند لایه‌نێک هه‌یه‌ که‌ قسه‌کردنی زیاتر هه‌ڵده‌گرن و پێویستیان به‌شیکردنه‌وه‌ی زیاتر هه‌یه‌. سه‌رده‌مانێکی زۆر به‌ ئێستاشه‌وه‌، هه‌میشه‌ زانین و زانست خۆی له‌ خۆیدا ده‌سه‌ڵات بووه‌ و ئێستاش ده‌سه‌ڵاته. ئه‌وه‌ی خاوه‌ندارێتی کردبێت، وه‌ک چه‌کێک به‌رامبه‌ر ئه‌وانی تر به‌کاریهێناوه‌ و هه‌وڵیداوه‌ له‌ژێرده‌ستی خۆیدا بمێنێته‌وه‌ وه‌ک نهێنیه‌ک که‌ ئه‌وانی تری پێ ملکه‌چک کات، یاخود بۆ به‌رژه‌وه‌ندی خۆی به‌کاریان بهێنێت.

کورد و هێزی چه‌کدار

کورد و هێزی چه‌کدار

08.06.2011

ئه‌مڕۆ ده‌سه‌ڵاتی کوردی له‌ کوردستانی ئێراقدا خاوه‌نی چه‌ندین جۆری هێزی چه‌کداره‌ که‌ سه‌ر به‌ دوو حیزبه‌ ده‌سه‌ڵاتداره‌که‌ن. هه‌رگیز کورد له‌ مێژوودا ئه‌وه‌نده‌ هێزی چه‌کداری نه‌بووه‌، له‌ کاتێکدا که‌ پێویستی پێنیه‌. هیچ کاتێک کورد به‌درێژایی مێژوو نه‌یتوانیوه‌ ئه‌وه‌نده‌ هێز کۆبکاته‌وه‌ بۆ ڕوبه‌ڕوبونه‌وه‌ی دوژمنه‌کانی. به‌ڵام له‌و سه‌رده‌مه‌ی که‌ ڕاسته‌وخۆ له‌ جه‌نگدا نیه‌، بۆته‌ خاوه‌نی له‌شکر و سوپا و هێزی تایبه‌ت و... جۆره‌های تریش.

ئازادی و به‌رپرسیارێتی

ئازادی و به‌رپرسیارێتی

07.06.2011

ئازادی کێشه‌ی زۆره‌، چونکه‌ به‌ ساده‌یی ژیان واته‌ ئازادی. ژیان به‌بێ ئازادی، له‌سه‌ر ئاستی تاکه‌که‌س و له‌سه‌ر ئاستی کۆمه‌ڵگا، ناتوانرێت مانایه‌کی مرۆیی بۆ بدۆزرێته‌وه‌. خراپبه‌کارهێنانی به‌ئه‌سته‌می ئازادی، ده‌بێته‌ شێواندنی ژیانی ئه‌و که‌سه‌ی/ ئه‌و میلله‌ته‌ی خراپبه‌کارهێنانه‌که‌ ده‌یگرێته‌وه‌ و به‌ریده‌که‌وێت.

کێشه‌ی ئازادی

کێشه‌ی ئازادی

06.06.2011

ئه‌گه‌ر مرۆڤ خاوه‌نی ئیراده‌ی ئازاد نه‌بوایه، ده‌بوایه‌ خوداوه‌ند ڕاسته‌وخۆ فه‌رمانڕه‌وایه‌تی بکردایه‌. ئه‌وساش مرۆڤ له‌ده‌ست ده‌ستور و فه‌رمانه‌کانی خودا بێتاقه‌ت ده‌بوون و کۆده‌بونه‌وه‌ و شۆڕشیان به‌رپاده‌کرد له‌ پێناوی ئه‌وه‌ی خۆیان ببنه‌ خاوه‌نی ئیراده‌یه‌کی ئازاد و هه‌قی هه‌ڵبژاردن له‌ده‌سه‌ت خۆیاندا بێت.

سیاسه‌ت به‌ جۆرێکی تر

سیاسه‌ت به‌ جۆرێکی تر

گۆڕان له‌ ئه‌قڵیه‌تی سیاسیدا

05.06.2011

ئه‌قڵی پێگه‌شتوو سیاسه‌تی پێگه‌شتوو به‌رهه‌م دێنێت. ئه‌قڵی کاڵ سیاسه‌تی کاڵ و کرچ.

له‌ جێگه‌یه‌کی تردا باس له‌وه‌ کراوه‌ که‌ ئه‌و ده‌سه‌ڵاته‌ی به‌ ڕکوکینه‌ بڕوخێت، ڕکوکینه‌ له‌جێگه‌ی داده‌نیشێت. ئێمه‌ ناتوانین سیسته‌مێکی نوێ دامه‌زرێنین که‌ کۆنه‌که‌مان به‌ بوغزوکینه‌ له‌ ده‌سه‌ڵات داماڵیبێت. ڕکی ده‌سه‌ڵات، زه‌بروزه‌نگی ده‌سه‌ڵات، ڕاونان و زیندانیکردن و ئه‌شکه‌نجه‌دانی ده‌سه‌ڵات، سادییه‌تی ده‌سه‌ڵات، به‌رامبه‌ر به‌ هاوڕه‌گه‌زه‌کانی خۆی، ئه‌و شێرپه‌نجه‌یه‌یه‌ که‌ ده‌بێت له‌ کۆمه‌ڵگادا له‌ ڕیشه‌وه‌ هه‌ڵکه‌ندرێت. ده‌بێت ئێمه‌ چاره‌سه‌ری ئه‌و شێرپه‌نجه‌یه‌ بین، نه‌ک ببین به‌ شێرپه‌نجه‌یه‌کی گه‌وره‌تر و ئه‌و قووتبده‌ین.

پێداویستی گۆڕان له‌ بزوتنه‌وه‌ی گۆڕاندا

پێداویستی گۆڕان له‌ بزوتنه‌وه‌ی گۆڕاندا

04.06.2011

ده‌سه‌ڵاتبه‌ده‌سته‌وه‌نه‌بوونی بزوتنه‌وه‌ی گۆڕان له‌م ساته‌وه‌خته‌ی ئێستادا، بواری ئه‌وه‌ی پێده‌دات که‌ ببێته‌ ئه‌و بزوتنه‌وه‌ ڕاسته‌قینه‌یه‌ی که‌ داواکاری میلله‌ت بکاته‌ سیاسه‌تێک و له‌گه‌ڵ ڕۆحی سه‌رده‌م، سه‌رده‌می گۆڕاندا، بڕوات. کۆبونه‌وه‌ی جه‌ماوه‌رێکی زۆر به‌ ده‌وری گۆڕاندا، له‌ماوه‌یه‌کی به‌ڕێژه‌ که‌مدا، ده‌لاله‌تی پێداویستی بزوتنه‌وه‌یه‌ک بوو که‌ ده‌مێک بوو زه‌مینه‌که‌ی ئاماده‌ و له‌بار بوو، له‌ دوای ئه‌و چه‌قبه‌ستنه‌ی پارتی و یه‌کێتی له‌ خراپبه‌کارهێنانی ده‌سه‌ڵاتدا بۆ خزمه‌تکردنی خۆیان و پشتگوێخستنی میلله‌ت.

ئێمه‌ بۆ نه‌مانتوانی ئه‌م جاره‌ ڕاپه‌ڕین به‌ئه‌نجام بگه‌یه‌نین؟

ئێمه‌ بۆ نه‌مانتوانی ئه‌م جاره‌ ڕاپه‌ڕین به‌ئه‌نجام بگه‌یه‌نین؟

03.06.2011

ئێمه‌ی ناڕازی به‌م ده‌سه‌ڵاته‌، ناتوانین سنگ به‌ گولله‌وه‌ بنێین، ده‌سه‌ڵات به‌ ویستی خۆی واز له ‌ده‌سه‌ڵات ناهێنێت، ئه‌و سواره‌ و ئێمه‌ پیاده‌ ده‌ڕۆین، ئه‌م ڕوبه‌ڕوبونه‌وه‌یه‌ بۆ ڕوینه‌دا، که‌ی ڕوده‌دات؟ چۆن ڕوده‌دات؟

میلله‌تی کورد ده‌مێکه‌ خوێنی لێده‌ڕژێ و سه‌رده‌مانێکه‌ ئه‌وه‌نده‌ بواری نه‌بووه‌ برینه‌کانی قه‌تماغه‌ ببه‌ستێت. خوێنله‌به‌رڕۆشتنی به‌رده‌وام، لاوازیی به‌رده‌وامی خولقاندوه‌ و ئه‌و ده‌رفه‌ته‌ی نه‌داوه‌ ته‌ندروست بێته‌وه‌. میلله‌تی کورد به‌ نه‌خۆشی ناتوانێت به‌رامبه‌ر ده‌سه‌ڵاتێکی پڕچه‌ک به‌پێوه‌ ڕابوه‌ستێت.

گره‌وی ده‌سه‌ڵات و ئۆپۆزیسیۆن له‌سه‌ر میلله‌ت

گره‌وی ده‌سه‌ڵات و ئۆپۆزیسیۆن له‌سه‌ر میلله‌ت

01.06.2011

پێشبڕکێ له‌سه‌ر ئه‌وه‌یه‌ که‌ کێ گره‌وه‌که‌ ده‌باته‌وه‌، گره‌وه‌که‌ له‌سه‌ر میلله‌ته‌.

میلله‌ت، ئه‌و باوه‌شه‌ی هه‌موومانی تیاگه‌وره‌بووین. باوه‌شی ئه‌و هه‌مووه‌ منداڵه‌ی ئه‌مڕۆ که‌ دواڕۆژیان به‌ستراوه‌ته‌وه‌ به‌م نیشتیمانه‌وه‌. کێ دڵی میلله‌ت به‌لای خۆیدا ڕاده‌کێشێت؟ کێ خۆی به‌ خاوه‌نی میلله‌ت ده‌زانێت و سه‌ر به‌ میلله‌ته‌ و له‌ پێناویدا ده‌جه‌نگێت؟ میلله‌ت بڕوای خۆی به‌ چ لایه‌نێک ده‌دات؟ کێ ده‌توانێت قه‌ناعه‌ت به‌ میلله‌ت بکات که‌ ئه‌و ڕاسترینه‌ و به‌رژه‌وه‌ندییه‌کانی ده‌پارێزێت؟