کاتێک مرۆڤه‌کان یه‌کتری ده‌کوژن

کاتێک مرۆڤه‌کان یه‌کتری ده‌کوژن

31.05.2011

که‌لتوری کوشتن

هه‌زاران ساڵه‌ مرۆڤه‌کان یه‌کتری ده‌کوژن، هه‌زاران ساڵه‌ له‌گه‌ڵ هه‌موو کوشتنێکدا، هه‌نگاوێک له‌یه‌کتری دورده‌که‌ونه‌وه‌، به‌ره‌ له‌یه‌کتری ده‌گرن. هه‌زاران ساڵه‌ مرۆڤ له‌ خودی خۆی دورده‌که‌وێته‌وه و خۆی لێبۆته‌ غه‌ریبه،‌ ده‌موچاوی خۆی پێناناسرێته‌وه‌. تا کار گه‌شتۆته‌ ئه‌وه‌ی به‌ خه‌مساردیه‌وه‌ ده‌ستی بچێته‌ براکه‌ی خۆی، دراوسێکه‌ی خۆی، هاوشاریه‌که‌ی خۆی بکوژێت و ئێواره‌ش بگه‌ڕێته‌وه‌ لای خێزانه‌که‌ی و بێخه‌م بخه‌وێت.

حه‌تمیه‌تی گۆڕان

حه‌تمیه‌تی گۆڕان

30.05.2011

له‌ ئیستاوه تا ساڵێکی تر ئه‌م ده‌سه‌ڵاته‌ گۆڕاوه‌، هه‌ر بۆیه‌ خۆئاماده‌کردن هه‌ر له‌ ئێستاوه‌ پێویستیه‌کی ڕۆژانه‌یه‌ بۆ دامه‌زراندنه‌وه‌ی کۆمه‌ڵگایه‌کی سه‌قامگیر، که‌ ئه‌م جاره‌ به‌ حه‌قیقی و به‌ پێویستی ده‌بێته‌ نمونه‌ و هۆکاری گۆڕان له‌ به‌شه‌که‌ی تری ئێراقدا، چونکه‌ گۆڕانی ده‌سه‌ڵات له‌ کوردستاندا، ته‌نها گه‌ڕانه‌وه‌ی ئه‌و مافانه‌ نیه‌ که‌ له‌ لایه‌نی ده‌سه‌ڵاتی کوردیه‌وه‌ ده‌ستی به‌سه‌رداگیراوه‌، به‌ڵکو گه‌ڕانه‌وه‌ی به‌شه‌ دابڕاوه‌کانی هه‌رێمی کوردستانیشه‌ بۆ سه‌ر نیشتیمان.

هاوکێشه‌ی ئه‌قڵ و گێلێتی

هاوکێشه‌ی ئه‌قڵ و گێلێتی

26.05.2011

ئێمه‌ له‌ زه‌مه‌نێکدا ده‌ژین یه‌ک و یه‌ک ده‌کاته‌ دوو. ئه‌قڵ له‌ ئاستێکدایه‌ که‌ ده‌توانێت خۆی به‌ڕیوه‌به‌رێت. تای ته‌رازوی ئه‌قڵانیه‌ت، ئه‌گه‌ر له‌سه‌رو گێلێتیشه‌وه‌ نه‌بێت، ئه‌وا به‌رامبه‌ری ده‌وه‌ستێته‌وه. ئه‌مڕۆ که‌ زۆربه‌یه‌ک له‌ ئێمه‌ ده‌رکی به‌ پێداویستیه‌کانی خۆی کردوه‌ و به‌ ژیانی خۆی وشیاره‌ و ده‌زانێت که‌ سامانی وڵات ده‌کرێت باشتر دابه‌شبکرێت و ئه‌و توانایه‌ له‌خۆیدا ده‌بینێت که‌ جڵه‌وی دوباره‌ داڕشتنه‌وه‌ی کۆمه‌ڵگا بگرێت به‌ده‌سته‌وه‌.

ئێمه‌ و ده‌سه‌ڵات

ئێمه‌ و ده‌سه‌ڵات

24.05.2011

هه‌تا ڕۆژێک زوتر به‌ ئازادی بگه‌ین، دره‌نگه.‌

هه‌تا ڕۆژێک زیاتر له‌ ده‌سه‌ڵاتدابن، هه‌ر زۆره.

‌مانه‌وه‌ی ئه‌م ده‌سه‌ڵاته‌ی ئێستا گه‌شتۆته ئه‌و ئاسته‌ی‌ حسابی هه‌موو ڕۆژێک بکه‌ن. له‌ ده‌سه‌ڵاتی هه‌تا هه‌تایه‌وه‌، هاتۆته‌ سه‌ر ئه‌وه‌ی که‌ کۆتایه‌که‌ی ببینرێت. له‌ نادیاره‌وه‌ بۆ مێژوویه‌کی دیاریکراو، بۆ مانگ دوو مانگ ... ساڵ. ئومێدی ئه‌وه‌ی که‌ ڕۆژی ئازادی هه‌ڵدێ، سه‌وز بووه‌ و خدوتکه‌ی ڕۆحه‌ گه‌نجه‌کان ده‌دات. هیوای دواڕۆژێکی پرشنگدار له‌ده‌م که‌له‌ و خه‌ریکه‌ هه‌ڵدێت.

نیشتیمان وه‌ک به‌هه‌شت، نیشتیمان وه‌ک دۆزه‌خ

نیشتیمان وه‌ک به‌هه‌شت، نیشتیمان وه‌ک دۆزه‌خ

23.05.2011

له‌ مێژوویه‌کی دورودرێژه‌وه‌ چنگمان به‌ سه‌رزه‌مینێکه‌وه‌ گیرکردووه‌ و پێی ده‌ڵێین کوردستان یاخود نیشتیمانی کوردان. ئه‌و سه‌رزه‌مینه‌ی باوباپیرانمان و باوباپیرانیان له‌سه‌ر هه‌مان زه‌وی له‌دایکبوون و تیا گه‌وره‌بوون و تیایدا مردوون. هه‌مان ئه‌و سه‌رزه‌مینه‌شه‌ که‌ ئه‌مڕۆ ئێمه‌ی تیا ده‌ژین. زۆربه‌ی میلله‌تانی جیهانیش به‌هه‌مان شێوه‌ به‌رده‌وامیان به‌ نه‌وه‌کانی خۆیان داوه‌ له‌و سه‌رزه‌مینه‌ی باوباپیرانیان تیا ژیاون. ئه‌مه‌ تا ئێره‌ جێگه‌ی سه‌رنج نیه‌، به‌ڵکو ئه‌وه‌ی جێی سه‌رنجه‌ ئه‌و پرسیاره‌یه‌ که‌ ده‌بێت بکرێت، بۆچی زۆربه‌یه‌ک له‌ میلله‌تان نیشتیمانه‌که‌یان کردووه‌ به‌ به‌هه‌شت و ئێمه‌ کردوومانه‌ به‌ دۆزه‌خ؟

ڕاپه‌ڕینی کوردستان له‌ نێوانی به‌رداشی ده‌سه‌ڵات و ئۆپۆزیسیۆندا

ڕاپه‌ڕینی کوردستان له‌ نێوانی به‌رداشی ده‌سه‌ڵات و ئۆپۆزیسیۆندا

19.05.2011

ده‌سه‌ڵات ده‌ستی واڵایه‌ بۆ هه‌موو کرده‌وه‌یه‌ک، بۆ ده‌ستبه‌سه‌راگرتنی سامانی میلله‌ت، بۆ گرتن و زیندانی کردنی هاووڵاتیان، بۆ ئه‌شکه‌نجه‌دانی به‌رهه‌ڵستکاران. ئه‌وانه‌ هه‌مووی به‌بێ یاسا و به‌بێ ده‌ستور به‌ڕێوه‌ ده‌چێت. که‌س نازانێت ده‌سه‌ڵات ئه‌و ده‌ستکراوه‌یه‌ی له‌ کێوه‌ وه‌رگرتووه‌؟ هیچ خوایه‌ک نیه‌ ئه‌و ده‌سه‌ڵاته‌ی پێبه‌خشیبێت. میلله‌ت قه‌د هه‌ڵه‌ی واناکات بڵێت بۆتان هه‌یه‌ مافمان بخۆن؟ ئایا بۆچی ده‌سه‌ڵات حه‌قی کوشتن و بڕین و دزینی هه‌یه‌ و هاووڵاتیانی ئاسایی بۆیان نیه‌؟ یا ئه‌وه‌تا ده‌بێت ئه‌و ئازادییه‌ بۆ هه‌مووان بێت، یاخود ده‌بێت که‌س بۆی نه‌بێت مافی یه‌کێکی تر بخوات.

به‌جیهانیبوون و نه‌ته‌وایه‌تی

به‌جیهانیبوون و نه‌ته‌وایه‌تی

18.05.2011

هێشتنه‌وه‌ و ده‌ستپێوه‌گرتنی قاوغی نه‌ته‌وایه‌تی له‌لایه‌ن ڕۆژئاواوه‌ هه‌تا ئه‌مڕۆ، ده‌لاله‌تی ئه‌و جیاخوازییه‌ که‌ ڕۆژئاوا بۆ خۆی قبوڵی ده‌کات. به‌ واتایه‌کی تر هێشتا میلله‌تانێک هه‌ن که‌ له‌ خوار/ له‌ژێر ئه‌و ستاندارته‌وه‌ن که‌ مرۆڤی ئه‌وروپی بۆ خۆی قبوڵیه‌تی. نه‌ته‌وایه‌تی له‌ ‌

قۆناغێکی مێژوویی زیاتر نه‌بوو له‌ په‌ره‌پێدانی که‌سایه‌تیی و ته‌واوکردنی ئه‌و که‌سایه‌تیه‌دا. 

سومبولی ئازادی شاری هه‌ولێر

سومبولی ئازادی شاری هه‌ولێر

15.05.2011

"ده‌یانه‌وێت له‌ کوردستان هه‌ڵبێم، من هه‌ولێریشیان بۆ به‌جێناهێڵم" سه‌رده‌شت عوسمان.

زه‌مانی به‌عس، ئه‌گه‌ر کوردێک چالاکیه‌کی سیاسی هه‌بوایه‌، ئه‌گه‌ر هه‌ستبکرایه‌ دژی ڕژێم چرپه‌چرپی کردوه‌، یاخود ئه‌گه‌ر ڕێکخراوێک، شانه‌یه‌ک که‌شف بوایه‌، ئه‌وا ئاسایش هه‌ڵیده‌کوتایه‌ سه‌ری و ده‌ستگیری ده‌کرد و پاش ئه‌شکه‌نجه‌یه‌کی زۆر به‌ره‌و "دادگای شۆڕش" ده‌برا. له‌وێ به‌ تاوانبار له‌قه‌ڵه‌مده‌درا و به‌ ڕه‌سمی ناوی تۆمار ده‌کرا، ئه‌گه‌ر تاوانه‌که‌ی بۆ ڕژێم مه‌ترسیدار بوایه،‌ فه‌رمانی له‌سێداره‌دانی بۆ ده‌رده‌چوو.

ئه‌ڵقه‌ی ون له‌ ڕاپه‌ڕینی ئه‌م جاره‌ی کورددا

ئه‌ڵقه‌ی ون له‌ ڕاپه‌ڕینی ئه‌م جاره‌ی کورددا

14.05.2011

تا ڕاپه‌ڕینی پێشووی کوردستان، هێشتا سۆز و خۆشه‌ویستی و ئینتیمایه‌ک بۆ نیشتیمان مابوو. خه‌ڵک ئومێدی هه‌بوو که‌ تروسکایی ئاینده‌یه‌کی گه‌شتر چاوه‌ڕێی ده‌کات. خۆشه‌ویستی ژیان و بنیاتنانی به‌ شێوازێکی نوێ، ئه‌و گوڕه‌ به‌هێزه‌ بوو که‌ توانای به‌رده‌وامبوونی ده‌به‌خشیه‌ کۆمه‌ڵانی خه‌ڵک. ئه‌وه‌ جگه‌ له‌ سته‌می که‌ڵه‌که‌بووی چه‌ندین ساڵه‌ که‌ ڕق و نه‌فیکردن و بێبه‌ریکردنی په‌خش ده‌کرد و هه‌تا گوڕوتینی ئه‌و ڕقه ئه‌ستورتر ده‌بوو، خۆشه‌ویستی بۆ ژیان و بۆ مرۆڤ و بۆ کورد گه‌وره‌تر ده‌بوو.

ترس له‌ ئازادی

ترس له‌ ئازادی

13.05.2011

جام ده‌ڵێت بشکێم نه‌ک بزڕێم. ئه‌م ده‌سه‌ڵاته‌ی ئێمه‌ زڕاوه‌ و به‌ زه‌بری هێز قاوغه‌که‌ی خۆی ڕاگرتوه‌. ئه‌وه‌ی تا چه‌ند ئه‌و پارچه‌ پارچانه‌ پێکه‌وه‌ ڕاده‌گیردرێت، له‌سه‌ر هیمه‌تی جه‌ماوه‌ر وه‌ستاوه‌ که‌ که‌ی پاڵی پێوه‌ ده‌نێت و ده‌یشکێنێت.

زمانی ڕاگه‌یاندنی ده‌سه‌ڵات زۆر له‌ خوار بازاڕییه‌وه‌یه‌ و هه‌ڵسوکه‌وتی له‌گه‌ڵ میلله‌ت زۆر دڕندانه‌ و شه‌ڕئه‌نگیزانه‌یه‌. ئه‌وه‌ی پێی ده‌وترێت لۆژیکی ئه‌قڵ، له‌ده‌ستیداوه‌ و په‌له‌قاژێی مه‌رگ په‌لاماری هه‌موو گریمانه‌یه‌کی پێده‌دات که‌ خۆی پێڕزگاربکات.

لاوازی ئیراده‌ی شۆڕشی کورد

لاوازی ئیراده‌ی شۆڕشی کورد

11.05.2011

ئه‌وان ده‌زانن چیان ده‌وێت، ئه‌وه‌ ئێمه‌ین ناتوانین به‌رپه‌رچیان بده‌ینه‌وه‌

بۆچی ده‌سه‌ڵات ئێمه‌ به‌ دوژمنی خۆی سه‌یر ده‌کات؟

تا ئه‌و کاته‌ی میلله‌ت سه‌ری کز بێت و بێده‌نگ بێت، ده‌سه‌ڵات نه‌ به‌ دۆست، نه‌ به‌ دوژمن میلله‌ت ناداته‌ ‌قه‌ڵه‌م. ئه‌وه‌ی له‌ ده‌سه‌ڵات نزیک بێته‌وه‌ دۆسته‌ و ئه‌وه‌ی دورکه‌وێته‌وه‌ دوژمنه‌. ئه‌وه‌ی ده‌که‌وێته‌ ئه‌و نێوانه‌ شیاوی ئه‌وه‌ی تێدایه‌ که‌ به‌ هه‌ردوو لا ببێت. هه‌ر له‌ سه‌ره‌تاوه ئێمه‌ خاوه‌نی کۆمه‌ڵگایه‌کی هاوئاهه‌نگ نین. ده‌سه‌ڵات ده‌سه‌ڵاته‌ و میلله‌تیش هه‌ر میلله‌ته‌. به‌ واتایه‌کی تر کۆمه‌ڵگا دابه‌شکراوه‌ بۆ دوو چینی به‌رامبه‌ر یه‌ک که‌ له‌ هه‌موو ئانوساتێدا به‌رژه‌وه‌ندیه‌کانیان له‌ یه‌کتر گیرده‌بێت و په‌یوه‌ندی نێوانیان ده‌بێته‌ ململانێ، تا ده‌گاته‌ ڕوبه‌ڕوبونه‌وه‌ و زۆرجار توندوتیژیی.

ده‌ستبه‌ردارنه‌بوونی ده‌سه‌ڵاتی کوردی

ده‌ستبه‌ردارنه‌بوونی ده‌سه‌ڵاتی کوردی

09.05.2011

بۆچی ده‌سه‌ڵاتبه‌ده‌ستانی کوردستانی ئێراق ده‌ستبه‌رداری ده‌سه‌ڵات نابن؟ پێش هه‌موو شتێک ده‌بێت زاراوه‌ی ده‌سه‌ڵاتبه‌ده‌ستان، ڕونبکرێته‌وه‌. کێن ئه‌وانه‌ی ده‌سه‌ڵاتیان به‌ده‌سته‌وه‌یه‌؟ ده‌سه‌ڵاتی چیان له‌ژێر ده‌ستدایه‌؟

ده‌سه‌ڵاتی کوردی وه‌ک دژی گه‌شه‌ی سروشتی

ده‌سه‌ڵاتی کوردی وه‌ک دژی گه‌شه‌ی سروشتی

07.05.2011

من بۆ ناتوانم بیر له‌ خۆم بکه‌مه‌وه‌، بیر له‌ ژیانم بکه‌مه‌وه‌، بیر له‌ مرۆڤ بکه‌مه‌وه‌؟ من بۆ ناتوانم بیر له‌ جیهان بکه‌مه‌وه‌، بیر له‌ گه‌ردوون بکه‌مه‌وه‌، بیر له‌ خودا بکه‌مه‌وه‌؟

چی ڕێ له‌ من ده‌گرێت؟ من بۆ ئه‌وه‌نده‌ بچوککراومه‌ته‌وه‌ که‌ ناتوانم سه‌ربه‌رزبکه‌مه‌وه‌؟

هه‌رچیه‌ک که‌ بوونی هه‌یه‌، به‌ گه‌ردونیشه‌وه‌، له‌ گه‌شه‌کردنێکی به‌رده‌وام دایه‌، له‌ جوڵه‌دایه‌. وه‌ستان و چه‌قبه‌ستن بوونی نیه‌. ئه‌م گۆی زه‌ویه‌ی ئێمه‌ی مرۆڤ له‌سه‌ری ده‌ژین، ملیۆنه‌ها ساڵه‌ له‌ گه‌شه‌کردن و گۆڕاندایه‌. ته‌نانه‌ت دوو ڕۆژی ته‌مه‌نی وه‌ک یه‌ک نیه‌، به‌ هه‌موو پێکهاته‌کانیه‌وه‌.

کۆنفیدرالیزم وه‌ک دوا چاره‌سه‌ری کێشه‌ی کورد له‌ ئێراقدا

کۆنفیدرالیزم وه‌ک دوا چاره‌سه‌ری کێشه‌ی کورد له‌ ئێراقدا

05.05.2011

ئه‌وه‌ی هه‌مانه‌: سه‌رزه‌مینێک، میلله‌تێک، سامانی سروشتی سه‌رزه‌مین و ژێرزه‌مین، که‌مێک وشیاری، مێژوویه‌کی ژێرده‌سته‌یی، که‌لتورێکی خۆماڵی "کورده‌واری".

ئه‌وه‌ی نیمانه‌: ده‌وڵه‌ت. ده‌ستورێک مافی مرۆڤی پێ بپارێزرێت، دامه‌زراویی کۆمه‌ڵایه‌تی که‌ ژیانی ڕۆژانه‌مان ڕێکبخات، یاسا که‌ دادپه‌روه‌ریی بچه‌سپێنێت. هه‌موو ئه‌و بنه‌مایانه‌ی پێویستن بۆ ژیانێکی هاوچه‌رخ و جیهانی.

ڕۆشنبیریی و ده‌سه‌ڵات/ پێداویستی ڕۆشنببیریی

ڕۆشنبیریی و ده‌سه‌ڵات/ پێداویستی ڕۆشنببیری

1

ده‌بێت ڕۆشنبیر هه‌بێت، ده‌بێت ده‌سته‌ی پێشه‌نگ هه‌بێت و ئامڕازی گه‌یاندن و بڵاوکردنه‌وه‌ی بۆ بڕه‌خسێنرێت. هه‌رچه‌نده‌ سه‌ره‌تا وا ده‌رده‌که‌وێت که‌ مرۆڤ و پێداویستییەکانى ئەوەندە ئالۆز نین و دەتوانرێت ڕاست و ڕەوان بیری لێبکرێتەوە و ڕێگه‌ چارەسەرى بۆ بدۆزرێتەوە و پڕبکرێتەوە بەبێ ئەوەى کردارى بیرکردنەوە ببێ بە ئامێرى وشیارکردنەوە.

ئێمه‌ لە چى وشیار ببێتەوە، ئەگەر کەس هەڵنەخڵەتێنرێت و بە خراپ بەکارنەهێنرێت و ئەشکەنجە نەدرێت و لەخشتە نەبرێت؟ ئه‌مڕۆ هه‌موو ئه‌و دیاردانه‌ هه‌ن و ڕۆژانه‌ ڕوده‌ده‌ن و به‌رده‌وامن و پاڵه‌په‌ستۆیه‌کی ده‌رونیی و جه‌سته‌یین له‌سه‌ر هاووڵاتیان.

ئه‌شکه‌نجه‌دان

ئه‌شکه‌نجه‌دان

01.05.2011

به‌درێژایی مێژوو ده‌سه‌ڵات ئه‌شکه‌نجه‌ی به‌رمبه‌ر به‌ نه‌یارانی، به‌رامبه‌ر به‌ دوژمنانی به‌کارهێناوه‌. ڕه‌نگه‌ ئازاردانی جه‌سته‌یی کۆنترین شێوازی چۆکپێدادانی مرۆڤی به‌رامبه‌ر بێت. ئه‌مه‌ له‌ حاڵه‌تێکدایه‌ ئه‌وه‌ی ده‌ستگیرکراوه‌ نه‌ ده‌توانێت، نه‌ بۆی هه‌یه‌ به‌رگری له‌ خۆی بکات، له‌ بارێکی پاسیڤدا ده‌هێڵرێته‌وه‌ و چاوه‌ڕوانی ئازاردانه‌. هیچ ده‌سه‌ڵاتێکی نیه‌ ئه‌و ئه‌شکه‌نجه‌دانه‌ بوه‌ستێنێت، مه‌گه‌ر مه‌رامی ئه‌و جه‌لادانه‌ بهێنێته‌دی و نه‌فی ئیراده‌ی خۆی بکات.