زه‌مینه‌ و زادگه‌ی دیکتاتۆر به‌شی دووه‌م

زه‌مینه‌ و زادگه‌ی دیکتاتۆر

به‌شی دووه‌م

- ئه‌قڵانیه‌ت چییه‌؟

تاکایه‌تیبوونی خۆرئاوایی، به‌کۆمه‌ڵایه‌تیی کردنی کۆمه‌ڵگای دروستکردووه‌. به‌کۆمه‌ڵایه‌تیی کردنی هه‌موو په‌یوه‌ندییه‌کانی به‌دوادا هاتووه‌. بۆته‌ هۆی ڕاماڵینی شته‌ خۆییه‌کان. بنه‌مای ژیانی تاکه‌که‌س له‌ ستانداردێکدا داڕێژراوه‌ که‌ هه‌مووان تا ڕاده‌یه‌کی زۆر وه‌ک یه‌ک بژین، به‌بێ ئه‌وه‌ی سنوری که‌سایه‌تی و تاکایه‌تی تاکه‌که‌س به‌زێندرابێت. ئه‌وه‌ش بۆته‌ هۆی ئه‌وه‌ی دوو که‌س وه‌ک یه‌ک بیرنه‌که‌نه‌وه‌، له‌هه‌مان کاتیشدا تێگه‌شتنێکی گشتی و ڕون و ئاشکرا هه‌بێت که‌ به‌ ئاسانی یه‌کتری بناسنه‌وه‌.

هه‌موو په‌یوه‌ندییه‌ک به‌پێی یاسا ساغکراوه‌ته‌وه‌ و له‌ هیچ جێگایه‌کدا جیاوازی مرۆڤه‌کان ناکرێت.

ئه‌نفالی کورد به‌ده‌ستی کورد

ئه‌نفالی کورد به‌ده‌ستی کورد

23.04.2011

ئه‌و هێزه‌ چه‌کداره‌ زۆره‌ی ئه‌مڕۆ به‌ کوردستاندا بڵاوکراوه‌ته‌وه‌، به‌ تایبه‌تی له‌ پارێزگای سلێمانی بۆ سه‌رکوتکردنی خۆپیشانده‌رانی مه‌ده‌نی بێچه‌ک، ڕویه‌کی تری ئه‌و ئه‌نفاله‌یه‌ که‌ له‌ ماوه‌ی بیست ساڵی ڕابوردوودا به‌ده‌ستی ده‌سه‌ڵاتدارانی کورده‌وه به‌سه‌ر کۆمه‌ڵگای کوردیدا هاتووه. خودی بوونی ئه‌و هێزه‌ چه‌کداره‌ له‌ژێر سایه‌ی دوو حیزبی حاکمدا، ئه‌نفالکردنی ئه‌و هه‌موو گه‌نجه‌یه‌ که‌ ده‌رفه‌تی تریان بۆ نه‌ڕه‌خساوه‌ له‌وه‌ی زیاتر ببن به‌ دارده‌ستی ئه‌و دوو‌‌ لایه‌نه‌. له‌ هه‌مان کاتدا ئه‌نفالکردنی قه‌واره‌یه‌کی سه‌ربازییه‌ که‌ ناوی له‌شکری کوردستانه‌. که‌ ده‌بوایه‌ پارێزه‌ر و به‌رگریکه‌ری کۆمه‌ڵگای کوردی بوایه‌. ئه‌مڕۆ ده‌رئه‌نجامی کۆتایی به‌هه‌ده‌ردانی ئه‌و هه‌موو توانا مادی و مه‌عنه‌ویه‌ ده‌بینین که‌ له‌و هێزه‌دا خه‌رجکراوه‌ و هه‌مووی له قوتی خه‌ڵکی کوردستان ده‌رچووه‌.

شۆڕشی سپی ده‌بێت به‌رده‌وام بێت

شۆڕشی سپی ده‌بێت به‌رده‌وام بێت

22.04.2011

ده‌بێت ته‌نها جارێکیش بێت کورد سه‌رکه‌وێت. ده‌بێت ئیراده‌ی سه‌رکه‌وتن به‌ده‌ست بهێنرێت.

به‌بێ ئه‌و ئیراده‌یه‌، ئێمه‌ هه‌ر بێ شوناسین، ئێمه‌ هه‌ر بێناوین. ئێمه‌ ده‌بێت بیسه‌لمێنین که‌ ده‌توانین. ده‌بێت بیسه‌لمـێنین که‌ مێشکمان ئیش ده‌کات و هیچمان که‌متر نییه‌ له‌ میلله‌تانی چوارده‌ورمان.

خاڵه‌ لاوازه‌کانی ڕاپه‌ڕینی ئه‌مجاره‌ی کورد

خاڵه‌ لاوازه‌کانی ڕاپه‌ڕینی ئه‌مجاره‌ی کورد

21.04.2011

له‌دوای دوو مانگ خۆپیشاندانی هێمنانه‌ و تا ڕاده‌یه‌ک شه‌رمنانه‌ی گه‌نجانی کوردستانی ئێراق، داموده‌زگا سه‌ربازییه‌کانی ده‌سه‌ڵاتی کوردی له‌م ساته‌دا به‌ خێوه‌تێکی ڕه‌ش، به‌ زه‌بری چه‌ک و داپڵۆسین تا ڕاده‌یه‌ک ئه‌و بڵێسه‌یه‌یان دامرکاندۆته‌وه‌. هه‌رچه‌نده‌ ژێر ئه‌و خێوه‌ته‌ ڕه‌شه‌ سه‌ربازییه‌ و ئه‌و خۆڵه‌مێشی ترس و تۆقاندنه‌، پڕه‌ له‌ پشکۆ و ڕه‌نگه‌ جارێکی تر کڵپه‌ بکاته‌وه‌.

ئه‌مه‌ نابێته‌ ڕێگری ئه‌وه‌ی که‌ کۆمه‌ڵێک خاڵی لاوازی ئه‌و بزوتنه‌وه‌یه‌، بوو به‌ هۆی ئه‌وه‌ی به‌لێدانێکی هێزی سه‌ربازی به‌ ئاسانی کپبکرێته‌وه‌.

کاتی ئه‌وه‌ هاتووه‌ هه‌موو لاپه‌ڕه‌ ڕه‌شه‌کانی پارتی و یه‌کێتی هه‌ڵدرێته‌وه

کاتی ئه‌وه‌ هاتووه‌ هه‌موو لاپه‌ڕه‌ ڕه‌شه‌کانی پارتی و یه‌کێتی هه‌ڵدرێته‌وه

20.04.2011‌

ڕه‌نگه‌ هه‌تا ئه‌مڕۆش هێشتا کۆمه‌ڵێک هه‌بووبن که‌ که‌مێک ڕێز بۆ ئه‌و دوو حیزبه‌ بهێڵنه‌وه‌، یاخود گومانیان هه‌بووبێت له‌وه‌ی که‌ هه‌میشه‌ قامچی به‌ده‌ستبوون. به‌حوکمی ئه‌وه‌ی ئه‌م ده‌سه‌ڵاته‌ کوردییه‌ یه‌که‌مجاره‌ له‌ مێژووی نوێدا ڕوده‌دات، زۆربه‌یه‌ک چاوپۆشیکردوه‌ له‌وه‌ی ڕابوردوویان هه‌ڵماڵرێت، چونکه‌ ده‌سه‌ڵاتبه‌ده‌ستن. زۆربه‌یه‌کی تریش ده‌رفه‌تی ئه‌وه‌ی به‌و ده‌سه‌ڵاته‌ داوه‌ته‌وه‌ که‌ ساوایه‌، به‌ڵکو گه‌وره‌بێت و ئاقڵ بێت.

به‌سه‌رچوونی زه‌مه‌نی دیکتاتۆر

به‌سه‌رچوونی زه‌مه‌نی دیکتاتۆر

19.04.2011

ئێمه‌ له‌ زه‌مه‌نێکدا ده‌ژین که‌ چیتر دیکتاتۆر ناتوانێت تیایدا بژی. زه‌مه‌ن زه‌مه‌نی گه‌له‌، زه‌مه‌نی زۆرینه‌یه‌ نه‌ک که‌مینه‌، نه‌ک به‌و واتایه‌ی که‌ که‌مینه‌ جێگه‌یه‌ی نابێته‌وه‌، به‌ڵکو فه‌رمانڕه‌وایی بۆ زۆربه‌یه‌ک که‌ هه‌میشه‌ بێبه‌ش بوون له‌ هه‌موو حه‌قی بوونێک و که‌مینه‌یه‌ک هه‌موو حه‌قێکیان به‌ خۆیان دابوو زۆرینه‌یه‌ک داڕوتێنن و ملکه‌چکیانکه‌ن بۆ ئیراده‌ی خۆیان.

زه‌مینه‌ و زادگه‌ی دیکتاتۆر به‌شی یه‌که‌م

زه‌مینه‌ و زادگه‌ی دیکتاتۆر

به‌شی یه‌که‌م 

بۆچی ئه‌قڵ ئیشناکات؟ بۆچی کار به‌ ئه‌قڵ ناکرێت؟

ئه‌و ده‌سه‌ڵاته‌ی له‌ ده‌سه‌ڵاتی ئه‌قڵ گه‌وره‌تره‌ و توانای ئه‌قڵ قووتدانی هه‌یه ‌و ده‌بێته‌ ڕێگر له‌به‌رده‌م هه‌موو گۆڕانێکی ڕاسته‌قینه‌دا، ده‌سه‌ڵاتی غه‌ریزه‌یه‌ یاخود غه‌ریزه‌ی به‌ده‌سه‌ڵاته‌.

گه‌ر بگه‌ڕێنه‌وه‌ بۆ ئه‌م بیست ساڵه‌ی ده‌سه‌ڵاتی کوردی و بپرسین ئایا هیچ کراوه‌ بۆ گۆڕانی ڕاسته‌قینه‌؟ هیچ به‌رنامه‌یه‌ک هه‌بووه‌ به‌ ئاگایی و وشیارییه‌وه‌ پیلانی بۆ دانرابێت و کۆمه‌ڵگا له‌ بارێکه‌وه‌ بگوێزێته‌وه‌ بۆ بارێکی پێشکه‌وتووتر؟

تایبه‌تمه‌ندێتی ڕاپه‌ڕینی گه‌لی کوردستان به‌شی سێیه‌م و کۆتایی

تایبه‌تمه‌ندێتی ڕاپه‌ڕینی گه‌لی کوردستان

به‌شی سێیه‌م و کۆتایی

سەرئەنجام

هەر کێشەیەک، چ گەورە، چ بچوک، لە زەمینەیه‌کی کۆمەڵایەتیدا بکەوێتەوە، پێویستی بە چارەسەری پڕاوپڕی خۆیەتی، ئەگەر بمانەوێت لە پاش ماوەیەک هەڵنەداتەوە. هەموو چارەسەرێکی نیوەناچڵ، تەنها پینەکردنێکی کاتییە و ئەوەندەی پێناچێت دەمی برینەکە دەکرێتەوە و نەخۆشییەکە هەڵدەداتەوە، ئه‌گه‌ر چارەسەرەکەی تەنها دورینەوەیەکی ڕوکەش بوو بێت.

تایبه‌تمه‌ندێتی ڕاپه‌ڕینی گه‌لی کوردستان به‌شی دووه‌م

تایبه‌تمه‌ندێتی ڕاپه‌ڕینی گه‌لی کوردستان

به‌شی دووه‌م

شێوە و ناوەرۆکی سیاسەتی کوردی و تێگەشتنی نەتەوەیی

پێش ئەوەی لە سیاسەتی ئایدۆلۆژی جیهانی بدوێین، دەبێت ئەو ڕاستییە بزانین کە بە درێژایی مێژوو هەر بزوتنەوەیەکی کوردی لە هەر پارچەیەکی کوردستاندا دروست بووبێت و بە هەر ناوێکەوە هاتبێتە مەیدان و هەڵگری هەر جۆرە ئایدۆلۆژیا و دروشمێک بوو بێت، ته‌نانه‌ت ئه‌گه‌ر خێڵه‌کیش بووبێت، ئەوا لە پێداویستیەکی مێژوویی نەتەوایەتیدا خۆی بینیوەتەوە.

بێده‌سه‌ڵاتی ده‌سه‌ڵاتی کوردی

بێده‌سه‌ڵاتی ده‌سه‌ڵاتی کوردی

06.04.2011

ئێمه‌ ناتوانین ده‌سه‌ڵات بڕوخێنین، چونکه‌ شتێک نییه‌ ناوی ده‌سه‌ڵات بێت. هه‌وڵی ئێمه‌ بۆ دامه‌زراندن و بنیاتنانی ده‌سه‌ڵاته،‌ ئه‌وه‌ی ئه‌مڕۆ نیه‌ و ئێمه‌ی له‌ بۆشاییه‌کی گه‌وره‌دا قه‌تیس کردووه‌. میلله‌ت بیست ساڵه‌ هاوار ده‌کات که‌ داموده‌زگایه‌ک هه‌بێت بیبینێت، دامودازگایه‌ک هه‌بێت بیخوێنێته‌وه‌، گوێی لێبگرێت، به‌ڵام نه‌بووه‌ و ئێستاش نیه‌ و له‌ژێر سایه‌ی ئه‌م شێوازی حوکمڕانیه‌‌شدا دروست نابێت. ئاشی ده‌سه‌ڵات بیست ساڵه‌ به‌بێ ده‌ستور ده‌سوڕێته‌وه‌.

بیست ساڵه‌ هاواری سیسته‌می په‌روه‌رده‌ و نه‌خۆشخانه‌ ده‌که‌ین. بیست ساڵه‌ داوبێدادمانه‌ به‌ده‌ست نه‌بوونی داده‌وه‌، بیست ساڵه‌ هاواری په‌یداکردنی هه‌لی کار ده‌که‌ین، هاواری فرسه‌تی یه‌کسانی ده‌که‌ین.

تایبه‌تمه‌ندێتی ڕاپه‌ڕینی گه‌لی کوردستان به‌شی یه‌که‌م

هه‌ندێک بابه‌تی په‌یوه‌ندیدار به‌ سیاسه‌ت و ده‌سه‌ڵاته‌وه‌

به‌شی یه‌که‌م

تایبه‌تمه‌ندێتی ڕاپه‌ڕینی گه‌لی کوردستان

ڕه‌نگه‌ زیادڕه‌وی نه‌بێت، گه‌ر بوترێت کورد بێوه‌یترین میلله‌ته‌ له‌ ڕۆژهه‌ڵاتی ناوه‌ڕاستدا. ڕه‌گه‌زی کورد وه‌ک فارس و بلوج و ئه‌فغانی، سه‌ر به‌ خێزانی ئێرانییه‌. ئه‌م میلله‌تانه‌ مێژووییه‌کی دورودرێژیان به‌یه‌که‌وه‌ هه‌یه‌ و خاڵی هاوبه‌شی که‌لتوری و ئاینی و ته‌نانه‌ت له‌ زمانیشدا له‌یه‌که‌وه‌ نزیکن. کورد له‌و میلله‌تانه‌ به‌وه‌ جیاده‌بێته‌وه‌ که‌ نیشتیمانه‌که‌ی له‌ نێوانی چوار وڵاتی دراوسێدا دابه‌شکراوه و له‌ هیچ به‌شێکیشدا‌، هه‌تا ئێستا به‌ مافی هاووڵاتیبوونی خۆی نه‌گه‌شتووه‌، به‌ کوردستانی ئێراقیشه‌وه‌.