پێداویستی ئۆپۆزیسیۆن، شۆڕش و ده‌وڵه‌ت

پێداویستی ئۆپۆزیسیۆن، شۆڕش و ده‌وڵه‌ت

27.07.2011

بۆئه‌وه‌ی ببینه‌ خاوه‌نی نیشتیمان، شۆڕشمان پێویسته‌. بۆئه‌وه‌ی شۆڕش به‌رپابکرێت، باوه‌شی ئۆپۆزسیۆنێکمان ده‌وێت میلله‌ت بگرێته‌ باوه‌ش، نه‌ک دوژمنایه‌تی ده‌سه‌ڵات بکات.. بۆئه‌وه‌ی دادپه‌روه‌ری به‌رقه‌رار بێت، پێویستمان به‌ ده‌وڵه‌تێکه‌ له‌سه‌ر بنچینه‌ی ئه‌قڵ دامه‌زرابێت و ئه‌و هه‌سته‌مان تیا دروستبکات که‌ هه‌موومان سه‌ر به‌ نیشتیمانێکین و هه‌موومان به‌شدارین له‌ خۆشی و ناخۆشیه‌کانیدا.

ده‌سه‌ڵات و تێکشکاندنی ئیراده‌

ده‌سه‌ڵات و تێکشکاندنی ئیراده

23.07.2011‌

کاتێک ده‌سه‌ڵات ده‌بێته‌ ئامێری تۆقاندن، له‌ سیفه‌تی به‌ڕێوه‌بردن ده‌رده‌چێت و ده‌بێته‌ کوره‌ی ئاگر و مه‌رگ په‌خشده‌کاته‌وه‌ و په‌رده‌ی ترس به‌سه‌ر ژیاندا ڕاده‌کێشێت و دودڵی و دڵه‌ڕاوکێ ده‌خاته‌وه‌. ئه‌مه‌ ده‌بێته‌ سیفه‌تی هه‌موو ئه‌و ده‌سه‌ڵاتانه‌ی که‌ نایانه‌وێت له‌وه‌ تێبگه‌ن که‌ زه‌مه‌نیان به‌سه‌رچووه‌ و ده‌یانه‌وێت به‌ زه‌بری زۆرکردن، زۆربه‌ ملکه‌چبکه‌نه‌وه‌ بۆ ژێر ئیراده‌یان. ئیراده‌ی ژیان ئیراده‌ی ئازادیه‌ و له‌ ئازادیدا هیچ ده‌سه‌ڵاتدارێک ناتوانێت ئیراده‌ی خۆی به‌سه‌ر ئه‌وانی تردا بسه‌پێنێت، هه‌ربۆیه‌ یه‌که‌م هه‌نگاوی دیکتاتۆریه‌ت له‌ تێکشکاندنی ئیراده‌ی ئازادی زۆربه‌وه‌ ده‌ستپێده‌کات. تێکشکاندنی ئیراده‌ به‌ بڵاوکردنه‌وه‌ی ترس و به‌کرده‌وه‌کردنی ئازاردان و سوککردنی به‌های مرۆڤه‌کان ده‌ستپێده‌کات.

ئه‌قڵیه‌تی ده‌سه‌ڵات

ئه‌قڵیه‌تی ده‌سه‌ڵات

 21.07.2011

ده‌سه‌ڵات و دۆڕاندن/ ئه‌قڵیه‌تی به‌رگریی

ئه‌قڵیه‌تی خام و ئه‌قڵیه‌تی پێگه‌شتوو

ئه‌قڵی خام یاخود ئه‌وه‌ی به‌ غه‌ریزه‌ ناوده‌برێت، نزمترین ئاستی ئه‌قڵه‌ که‌ وه‌زیفه‌کانی له‌ پارێزگاریکردنی هه‌ڵگره‌که‌ی تێناپه‌ڕێت. ئه‌قڵ ئه‌گه‌ر په‌روه‌رده‌ نه‌کرێت له‌و ئاسته‌ی خۆیدا قوڵده‌بێته‌وه‌ و ته‌نها به‌رده‌می خۆی ده‌بینێت. ڕه‌نگه‌ ئه‌مه‌ مه‌ترسیدارترین ئه‌قڵ بێت، به‌ تایبه‌تی له‌سه‌رده‌می نوێدا، چونکه‌ گه‌وره‌بوون به‌و ئه‌قڵه‌وه‌ هه‌موو ئه‌زمونێک، زانیارییه‌ک ده‌رخواردی به‌روپێشچوونی خۆی ده‌دات، یاخود له‌ به‌رژه‌وه‌ندی خۆیدا ده‌یخاته‌گه‌ڕ. هه‌موو ئه‌و شتانه‌ی/ که‌سانه‌ی ده‌که‌ونه‌ سه‌رڕێی، ده‌شێت بوارێکی به‌کارهێنانی بۆ ئه‌م تیابێت.

کاتی ئه‌وه‌ هاتوه‌ "ئه‌نجومه‌نی ڕاوێژکاری شۆڕشی کوردستان" دابمه‌زرێت

کاتی ئه‌وه‌ هاتوه‌ "ئه‌نجومه‌نی ڕاوێژکاری شۆڕشی کوردستان" دابمه‌زرێت

13.07.2011

ئه‌گه‌ر میلله‌تێک بیه‌وێت بژی، ده‌بێت چاره‌نوسی خۆی بگرێته‌ ده‌ست. میلله‌تی کورد هه‌تا ئێستا نه‌یویستوه‌ سه‌ربه‌ست بژی و چاره‌نوسی خۆی به‌ده‌ست خۆیه‌وه‌ بێت، هه‌ربۆیه‌ هه‌تا ئێستا به‌م به‌ناو فه‌رمانڕه‌وایه‌تیه کوردیه‌ی کوردستانی ئێراقیشه‌وه‌، ژێرده‌سته‌یه‌ و نه‌بۆته‌ خاوه‌نی ئیراده‌ی ژیان. ئه‌مڕۆ پاڵه‌په‌ستۆی ئه‌و چاره‌نوسه‌ له‌سه‌ر هه‌ر تاکێکی ئه‌م کۆمه‌ڵگایه‌ دروست بووه‌ و چاوه‌ڕێی جڵه‌وگرتنه‌ده‌ست ده‌کات. ئه‌مڕۆ ئه‌و هه‌لومه‌رجه‌ زیوینیه‌یه که‌ کوردیش ده‌توانێت وه‌ک میلله‌تێکی سه‌ربه‌ست و سه‌ربه‌خۆ بژی، به‌بێ ئه‌وه‌ی میلله‌تێکی تر، تاقمێک، بنه‌ماڵه‌یه‌ک ئیراده‌ی ژیانی زه‌وتکات و وه‌ک بێگیانێک مامه‌ڵه‌ی له‌گه‌ڵدا بکات.

ئۆپۆزسیۆنی ئۆپۆزسیۆن

ئۆپۆزیسیۆنی ئۆپۆزیسیۆن

12.07.2011

ئێمه‌ نه‌ ده‌سه‌ڵاتمان له‌ ده‌سه‌ڵات ده‌چێت و نه‌ ئۆپۆزیسیۆنیشمان له‌ ئۆپۆزیسیۆن و له‌ ڕاستیشدا نه‌ جه‌ماوه‌رمان له‌ جه‌ماوه‌ر ده‌چێت. هه‌موومان هه‌موومان هه‌ڵده‌خڵه‌تێنین و ئه‌وه‌ی له‌و نێوانه‌دا براوه‌یه‌، ده‌سه‌ڵاته‌. ساکاری و ساویلکه‌یی میلله‌تی کورد سه‌راپای کۆمه‌ڵگای داپۆشیوه‌ و هه‌تا له‌سه‌ره‌وه‌ی هه‌ره‌می ده‌سه‌ڵاتداریتی بێیته‌ خواره‌وه‌، ئاستی ساویلکه‌یی به‌رفراوانتر ده‌بێت و به‌رزده‌بێته‌وه‌، تا ده‌گاته‌ ئاستێک که‌ مرۆڤمان هه‌یه‌ ناتوانێت یه‌ک حه‌رف بخوێنێته‌وه. کۆی کۆمه‌ڵگا له‌ مێژه‌وه‌ له‌ ‌تاریکیدا هێڵڕاوه‌ته‌وه‌، به‌مانای وشه‌‌ش له‌ڕێگه‌ی نه‌بوونی کاره‌باوه‌، کۆمه‌ڵگایه‌کی چوار پێنج ملیۆنی ماوه‌ی بیست ساڵه‌ کاره‌بای پێویستی بۆ دابیننه‌کراوه که‌ هه‌ر هیچ نه‌بیت ماڵه‌کانیان به‌شه‌و ڕوناکبکه‌نه‌وه‌.

دادگایکردنی سه‌رۆکه‌کان

دادگایکردنی سه‌رۆکه‌کان

07.07.2011

ئه‌گه‌ر ته‌نها به‌ تاوانی کوشتنه‌کان، سه‌رکرده‌کانمان دادگایی بکرێن و بۆ هه‌ر کوشتنێک ساڵێک حوکم بدرێن، ئه‌وا ده‌بێت سه‌دان ساڵ له‌ زینداندا بن. ئه‌گه‌ر له‌ سه‌ر هه‌ر بستێکی نیشتیمانی فرۆشراو، مانگێک حوکم بدرێن، ده‌بێت هه‌زاران ساڵ له‌ زینداندابن. ئه‌گه‌ر له‌سه‌ر ساڵێکی ته‌مه‌نی سوتاوی گه‌نجێتیمان، دیسانه‌وه‌ مانگێک حوکم بدرێن، ده‌بێت هه‌تا ئه‌به‌د له‌ زینداندابن.

پێداویستی ده‌سه‌ڵات/ پێداویستی شۆڕش

پێداویستی ده‌سه‌ڵات/ پێداویستی شۆڕش

06.07.2011

کورد هه‌موو شۆڕشه‌کانی پێشووی، یاخود ڕاستر هه‌وڵه‌کانی شۆڕشی پێشووی بۆ سنوردانانی کوشتن و بڕین و ڕاگواستن و....بووه‌. بۆ مانه‌وه‌ی جه‌سه‌دی و به‌رگری له‌ مانه‌وه‌ی میلله‌تێک بوه‌.

له‌ جیهانی ئه‌مڕۆدا ناتوانرێت ده‌ستبه‌رداری ده‌سه‌ڵات ببین، به‌ واتایه‌کی تر له‌ جیهانێکی ئازاددا ناژین که‌ ده‌سه‌ڵاتی تیا نه‌بێت و مرۆڤ ئه‌وه‌نده‌ گه‌شه‌یه‌ی کردبێت که‌ بتوانێت خۆبه‌خۆ له‌ڕێگه‌ی ڕێکخراوه‌ خۆماڵیه‌کانه‌وه‌، تا ده‌گات به‌سه‌ره‌وه‌ ئیشوکاری خۆی ڕێکبخات و پێویستی به‌ ده‌سه‌ڵاتێکی مه‌رکه‌زی نه‌بێت له‌ چوارچێوه‌ی ده‌وڵه‌تێکدا، یاخود له‌ سنوری میلله‌ت و نیشتیمانێکدا. له‌لایه‌کی تره‌وه‌ جیهان دابه‌شی ده‌سه‌ڵاتی جیاجیایه‌ و هه‌موو ده‌وڵه‌ته‌کان به‌ناچاری ده‌بێت پارێزگاریی له‌ به‌رژه‌وه‌ندییه‌کانی خۆیان بکه‌ن به‌رامبه‌ر به‌ به‌رژه‌وه‌ندی دراوسێ و ناوچه‌ و جیهان. ئه‌وه‌ له‌سه‌ر ئاستی ده‌ره‌وه‌، له‌سه‌ر ئاستی ناوه‌وه‌ی کۆمه‌ڵگا، هه‌موو ڕێکخستنه‌ کۆمه‌ڵایه‌تییه‌کان، ئه‌رکی ده‌سه‌ڵاته‌ که‌ جێبه‌جێیان بکات.

نوسه‌ر و خوێنه‌ر

نوسه‌ر و خوێنه‌ر

سه‌رچاوه‌ی یه‌که‌می خوێندنه‌وه‌ی هه‌موو ئه‌وانه‌ی له‌ کۆمه‌ڵگای ئێمه‌دا خۆیان به‌ نوسه‌ر له‌قه‌ڵه‌م ده‌ده‌ن، ئه‌و کتێبانه‌ن که‌ به‌ زمانێکی تر نوسراون، چ به‌کوردیکراو، یاخود به‌ یه‌کێک له‌ زمانه‌کانی میلله‌تانی سه‌رده‌ست "عه‌ره‌ب، فارس، تورک" نوسراون. زۆربه‌ی ئه‌و کتێبانه‌ش که‌ هه‌ڵده‌بژێردرێن، ئه‌و کتێبانه‌ن که‌ له‌ زمانێکی ئه‌وروپییه‌وه‌ وه‌رگێڕدراونه‌ته‌ سه‌ر ئه‌و زمانانه‌ و به‌ ده‌گمه‌ن نوسه‌ری خودی ئه‌و میلله‌تانه‌ به‌سه‌رده‌کرێته‌وه‌، ئه‌ویش له‌ هه‌ره‌ به‌ناوبانگه‌کانیان ده‌رناچێت. زیاتریش ئه‌وانه‌ن که‌ له‌ به‌ره‌ی به‌رهه‌ڵستکارانی ڕژێمه‌کانی ئه‌و میلله‌تاندا خۆیان ده‌بیننه‌وه‌.

هه‌ندێک بابه‌تی تری په‌یوه‌ندی ده‌سه‌ڵاتدارێتی و په‌یوه‌ندی ئازادی به‌شی دووه‌م و کۆتایی

4

"کە وەهم دەکرێت بە حەقیقەت، واتە حەقیقەت کراوە بە وەهم و شاردراوەته‌وه‌".

ئەوەی لە واقیعدا ڕودەدات، لە ڕاستیدا چەسپاندنی/ سەلماندنی وەهمە، یاخود واقیع دروستکردنە کە حەقیقەت نیە. ئەگەر سەیری جەنگی جیهانی یەکەم و دووەم بکەین، یاخود هەر ڕوداوێکی تری مێژوویی، بە کردەوە دەبینین کە جەنگە و خەڵک یەکتری دەکوژێت، وڵاتە و داگیردەکرێت، شارە کاولدەکرێت. ئەوە ئەوەیە کە لە واقیعدا ڕودەدات، ئەو ڕوداوەیە کە ناسڕدرێتەوە چونکە بە فعلی ڕودەدات و جێپەنجەی خۆی لەو زەمان و جێگەیەدا بەسەر مرۆڤەکانه‌وە بەجێدێڵێت.

هه‌ندێک بابه‌تی تری په‌یوه‌ندی ده‌سه‌ڵاتدارێتی و په‌یوه‌ندی ئازادی به‌شی یه‌که‌م

هه‌ندێک بابه‌تی تری په‌یوه‌ندی ده‌سه‌ڵاتدارێتی و په‌یوه‌ندی ئازادی 
به‌شی یه‌که‌م 

1

تاک/ تاکایەتی

تاکایەتی ڕۆژئاوایی (هەر ئەوەشمان لەبەر دەستدایە) گەشتۆتە ئەو خاڵەی کە تەنها خودی خۆی ببینێت و لە دوای ئەوەوە هیچ گەشەیەکی ئەوتۆی نەکردووە. یاخود زیاتر نەچوە بەودیودا کە بتوانێت بونی خۆی (وجودی) لەوانی تردا ببینێتەوە/ بدۆزیتەوە، یاخود بناسێتەوە. هەتا ئەو خاڵە ڕۆشتووە کە هەرچیەک بکات، هەر بۆ خۆی بکات و تەنها توانای وەرگرتنی هەبێت و هەموو ئەوانی تر تەنها ئامڕازی پڕکردنەوەی ئارەزووەکانی ئەو بن، یاخود بەهەرحاڵ بەو چاوەوه‌ سەیربکرێن، کە هەموو ئەوانی تر، لە بەرژەوەندی ئەو تاکەدا، بواری بەکارهێنانی تێدایە.